مدونات ضد المحاكمات : الحرية لمدحت الحداد | الحرية لعصام حشيش | الحرية للدكتور بشر | الحرية لضياء فرحات | الحرية لخيرت الشاطر | الحرية لحسن مالك


هذه الكلمات كتبها وليد بمداد من القلب .. فعفواً إن رأيت فيها آثار الجراح

نفسك
تصرخ ... تصرخ وتصرخ
نفسك تخرج كل هم وغم وكرب عشش في جنبات صدرك ....
نفسك تبكي أيوة نفسك تبكي يمكن تخرج روح اليأس والحزن اللي بدأت تتسرب إلى كل خلية من خلايا جسمك
نفسك تضرب بإيديك الصخر يمكن قوة الضربة تقتل الظلم اللي اصبح ليلنا ونهارنا ...
نفسك ينتهي الكابوس بقه لأنه طول أوي صح ؟ ...
نفسك نفسك يكون ده كابوس وتقوم منه
أقولك نفسك في إيه كمان
نفسك تشوف خيرت في مكتبه اللي أمام حديقة الطفل أو وهوه واقف شامخ في فرح أو عزاء أو مناسبة من مناسبات الاخوان فتشعر بعزة جماعتك
نفسك تشوف حسن مالك وهوه بيصلي يوم الجمعة عند الشيخ عبد الستار مع أولاده
نفسك تشوف محمد حافظ وهوه بيدور على مسجد عشان يدرك فيه تكبيرة الاحرام لأنه مبييفوتهاش
أقلك نفسك كمان في إيه
نفسك
تشوف محمود المرسي وهوه راكب عربيته الفولكس وماشي بيها مع بنته أماني راجعة من امتحانها
نفسك كمان تسمع كلمة إزيك يا خويا عارفها دية بتاعة مين بتاعة أيمن ميسلمش عليك إلا لما يحضنك ويقولهالك إزيك يا خويا الله
نفسك تسمعها ونفسك تحس بدفء الاخوة من نبرتها ..
أقولك نفسك في إيه كمان
نفسك تشوف فرحة عبد الحافظ يوم خروج خيرت وإخوانه غريبة صح ؟
بس والله نفسك فيها لانك عارف ان عبد الحافظ ده إنسان بيحب بجد وأخ بجد ربنا يحفظه
نفسك تاخد محمد حافظ في عربيتك يوم خميس وتسافر اسكندرية وتشغل البردة ....
نفسك تلاقي موبيلاك بيرن وتبص تلاقي اسم اللي بيرن محمد حافظ أو محمد عبد العال
نفسك نفسك تقول آآآآه نفسك ..
نفسك ربك يفرجها من عنده لأنها ضاقت وملهاش حل إلا عنده
يارب يارب يارب فرج كربهم يا رب ليس لنا أحد سواك نطمع في عدلك فقد رأينا عدل القضاة ونطمع في فرجك فقد رأينا قيد الطغاه يارب يا رب فرج الهم واكشف الكرب يا رب أنت الأعلم بما في نفسي وبما في نفس الأطفال والزوجات والأباء والأمهات وما في نفس كل من يرجو الصلاح لا الفساد اللهم إنا في انتظار فرجك فلا تبطئ

16 التعليقات :

  1. free said...
    This comment has been removed by the author.
    free said...
    اشكر لكم تجاوبكم السريع مع حملة الافراج عن شيخ المجاهدين

    سألتم عن الايميل

    وهو

    prince_egy00@hotmail.com

    نرجو التواصل سريعا

    ----------

    منظمي حملة الافراج
    عن شيخ المجــاهدين
    Anonymous said...
    والله لقد دمعت عينى عندما قرأت هذه الرسالة ورأيت لسانى يردد طبعا نفسى بس احببت ان اقول لكل من معنا فى المحنةحينما يضيق صدرك عليك بملازمة ذكر حسبى الله ونعم الوكيل
    لقوله تعالى " الذين قال لهم الناس إن الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل فانقلبوا بنعمة من الله وفضل لم يمسسهم سوء"
    وعلينا بالصبر وكثرة الدعاء لله فهو مولانا وناصرنا بإذن الله
    Anonymous said...
    والله لقد أبكيتني يا وليد بصدق مشاعرك
    Anonymous said...
    قال تعالى " يثبت الله الذين آمنوا بالقول الثابت في الحياة الدنيا وفي الآخرة ويضل الله الظالمين ويفعل الله ما يشاء "

    وقال تعالى "وبشر الصابرين الذين اذا اصابتهم مصيبة قالوا انا لله وانا اليه راجعون اولئك عليهم صلوات من ربهم ورحمة وأولئك هم المهتدون "

    اللهم انا ندعوك رافعين أكفتنا اليك ان ترفع هذا البلاء فلا تردها الا وقد استجيب دعاءنا يا الله

    نيرة عصام عفيفى
    Anonymous said...
    والله نفسنا فعلا كل ده وده هيكون اعسد يوم في حياتنا يوم ما يخرجوا وراسهم مرفوعة وفيها عزة الاسلام
    اللهم فك اسر المأسورين وفك قيدهم اللهم امين
    محمد الجغرافى said...
    فعلا نفسى

    بس لسه فى نفسى حاجات كتير
    Khadiga Elhaddad said...

    نفسي ربنا يتقبل منا كل لحظة صبرنا فيها
    نفسي لما نشوف ثوابنا عند ربنا نقول ليت المحنة كانت أطول
    نفسي نعيش لحد ما نشوف الاسلام منتصر, و ساعتها كل لحظة صعبة حتهون

    خديجة الحداد
    Anonymous said...
    والله حرام عليك
    كفاية انا قريت التدوينة وكل لما اجي اعلق مقدرش اكتب من شدة دموعي فعلا الجماعة دية مباركة اللي تخلي الروح اللي بين افرادها بهذا النقاء والحب انا برغم الهم اللي انتم فيه بحسدكمعلى مشاعركم الجميلة دية ربنا يبلغكم اللي في نفسكم
    نهال
    وليد said...
    آسف للجميع على نكأ الجرح وإن كنت أحسب أن الجرح نشعر به جميعا ليل نهار .. لكن أحيانا ما يضيق صدر الانسان فلا يجد تفريجا لهذا الا بالصراخ والابتهال لله ... أتعجب كل العجب من أن يأتي التثبيت بالكلمات ممكن هم أصحاب الابتلاء المباشر سواء أسرة م خيرت أو أسرة م الحداد اللهم أجمع بينهم وبين آبائهم وأزواجهم عاجلا غير آجل .. واسأل الله أن، تكون هذه المحنة هي خطوات في طريق الجنة
    وليد
    Anonymous said...
    طبعًا نفسي
    نفسي أشوف قوتنا في عودة خيرت
    ومحبتنا في عودة أيمن
    وإيمانا النقي وإخلاصنا في رجعة حافظ وصوت نادر
    وبسمتنا في طلة قصاص
    وحماستنا في مشية منعم ووقفة عبدالعال
    وثقتنا وثباتنا في همسة بشر
    و .... و .... و .... و .....
    بس بجد ونفسي كمان ماشوفش مبارك ولا عيلته ولا أسمع صوت الشريف اللي هو مش شريف ولا سرور اللي كل أيامه ماهياش سرور راجل القانون اللي بيأصل لاستباحة دم وعرض القانون ليل ونها ولا عاوز أشوف جمال اللي عاوز يورثنا بالحياة والله دي قلة حيا ولا عاوز أشوف كل الوجوه السودا اللي ملت حياة مصر بؤس وتعاسة كل مصاصي الدماء أيوة والكلمة دي قليلة عليهم اللي ملو البلد فقر ومرض وبلطجة وضيعوا الشباب باليأس ورملوا النساء وأزواجهم أحياء اللي موتوا البسمة في شفايف الأطفال وكل اللي قلوبهم مليانة حقد وجشع وداسوا على كرامة الإنسان والبلد
    ممكن يجي يوم الصبح أشوف مصر منورة بخيرت وحافظ وبشر وإخوانهم منورة ومفيهاش أي واحد من مصاصي الدماء صغير أو كبير ممكن ولا?
    Anonymous said...
    اللهم ارفع البلاء
    اللهم ارفع غضبك عنا

    نسال الله ان يخفف عن كل سجين مظلوم وان يرده سالما الى اهله

    اللهم عليكم بمن تكبر وتجبر على عبادك
    Anonymous said...
    آآآآآآآآآآآآآآآه يا وليد الله يسامحك
    أحمد مصطفى
    Anonymous said...
    تصدق إني كل لما أقرأ الرسالة دية أبكي لدرجة اني لما بقيت افتكرها ابكي ... الدنيا كانت خدتنا ونستنا شوية آلام الناس اللي جوه لاني كنت مسافر في شغل ولما جيت ووقفوني في المطار شوية افتكرت تاني ولما روحت البيت ولقيت مراتي مضايقة عشان قبول طعن الحكومة افتكرت اكتر ولما جيت بالليل وفتحت انسى اللي بقالي 12 يوم مفتحتهاش وشفت الرسالة دية مستحملتش انفجرت ودية تالت مرة ادخل واقراها عشان منساش تاني
    ان فيه ناس مظلومين وان فيه امهات واباء محرومين من اولادهم وفيه أولاد نفسهم يلعبوا مع آبائهم وفيه زوجات مشتاقين لازواجهم وفيه اخوة نفسهم زي ما قلت يشوفوا كل دول تاني
    اسف مش هقدر اكتب اسمي بس اشكر الجهد المبذول في المدونة دية ربنا يجزيكم خير عليها
    Anonymous said...
    اد اية التدوينة ديه جميلة و معبرة
    وتحس بصدق المشاعر فيها و ان كل كلمة فيها و كل حرف معبر و موحى عن اللى فى قلوبنا و نفوسنالدرجة انا نعيد قراتها مرات حتى لا ننسى ما يعانيه اخوانا و اهلهم و اولادهم وزوجاتهم و عجبنى جدا التعليقات عليها اد ايه فجرت مشاعر الاخوة و الاخوات بل ان كلمهم لوحده تدوينة رائعة نحمد الله على هذه الروح الطيبة و الاخوة الصادقة بيننا ادامها الله علينا و رد علينا اخواننا المعتقلين لتكتمل فرحتنا
    زوجة اخ
    Anonymous said...
    بصراحة أنا شاهد على الحب ده
    لما شفت دكتور وليد ودكتور محمد عبد العال ودكتور حافظ عندنا عشان الانتخابات وشفت بيحبوا بعض ازاي وفاهمين بعض ازاي وبيهرجو ومع بعض ازاي اتمنيت اكون واحد منهم لدرجة اننا كلنا في مشتول قلنا ان التلاته دول واضح انهمفعلا بيحبوا بعض ولما جه معارهم مرة دكتور أحمد عبد العاطي حسينا انه مش زيهم حسنا انهم مع بعض مختلفين تحس انك بتكلم واحد مش تلاته وتحس انهم بيفهموا بعض بالنظرات ربنا يحفظكم
    بس أنا مستغرب يا دكتور وليد حضرتك مش معاهم ليه.. طبعا انا بضحك ربنا يحفظك وكلنا هنا بنسلم عليكم ولو بتروح تزرهم سلم لينا عليهم وهمه جوه مع دكتور باسم وهيقعدو يفتكروا ايام الانتخابات
    والسلام عليكم ورحمة الله
    أخوكم مجدي
    إخوان الشرقية

أضف تعليقك