القصقوصة الأولى
تذكرة طفطف مزرعة طره
توضيح
طره طبعا كبييييييير عشان يكفى اللى موجود واللى عاوزينه ييجى
طره طبعا كبييييييير عشان يكفى اللى موجود واللى عاوزينه ييجى
المهم كان زمان التنقل فيه سيرا ..الى أن جاء القرار الجامد جدا بان يصبح النقل فيه بالطفطف (زى اللى فى الحديقة الدولية كده)بس على أخضر..
والطفطف ده بيتقطعله تذكره بواحد جنيه مصرى وبيجمعنا فيه قبل منوصل لمكان الزيارة وبنتكلم وبنفتكر حاجات عاوزين نقولهالهم..وطبعا الأطفال بيهيصوا فيه..وعندهم حق..انا لو كنت طفلة وقالولى باباكى يعتقل وتركبى طفطف ولا ميعتقلش ومتركبيش..الاختيار هيبقى صعب مش بسهولة كده ..ده طفطف يا جماعة فيه ايه؟؟!0
القصقوصة الثالثة
ودى من أخ مجاهد كبير جدا جدا رغم صغر سنه
من عضو فى رابطة اطفال من أجل الحرية
من أنس أيمن عبد الغنى
يوم ما تم قبول الطعن يعنى يوم الثلاثاء وبعد النطق بالحكم جبنا ورقة وقسمناها نصين.
.نص كتب فيه هوه ونص كتبت فيه وبدلنا
وكان فيه الجملة اللى اخترناها
"أبى انهارده أخد افراج"
وتناول الحديث 3 مستويات من الفرحة عند أنس
فقال انه هيفرح بس عشان الحكم
وهيفرح اوى لو بابا خرج
وهيفرح أوى أوى لو بابا خرج ومخدوهوش تانى
الولد منظم افكاره مش أى كلام وخلاص..
-----------------------------------------
من مدونة الفجرية
0 التعليقات :
Subscribe to:
Post Comments (Atom)
الوجه الثاني
