مدونات ضد المحاكمات : الحرية لمدحت الحداد | الحرية لعصام حشيش | الحرية للدكتور بشر | الحرية لضياء فرحات | الحرية لخيرت الشاطر | الحرية لحسن مالك

شاعرنا الهُمام .. الأستاذ صلاح جلال
جزاه الله كل خير أعد لحملتنا
بنحب مصر .. مش هنبطل مش هنسافر مش هنبيع
قصيدة رائعة لتكون بمثابة أغنية للحملة
أرسلناها خلال اليومين السابقين إلي أحد ملحنينا
ليتولي قضية التلحين والتوزيع تمهيداً لغنائها إلا أننا لم نصل حتي الآن لشيئ ..
والنداء إلي كل زورارنا الكرام
بأننا نريد أن نلحن تلك الكلمات ونغنيها بشكل مناسب للحملة
وما أجمل أن يكون لحن حماسي
الأمر بين أيديكم
كل من يستطيع أن يساعد فليتفضل
نريد أن نحصل علي أكثر من لحن وأكثر من أداء غنائي
نعرضها هنا علي المدونة ونختار أحدها ليكون نشيداً للحملة بغذن الله
نرجو سرعة التجاوب
فالحملة تبدأ 15 مارس بمشيئة الله
وهذه هي كلمات شاعرنا
( يمكن التصرف في بعض الكلمات القليلة للضرورة )
..مش حنبطل مش حنسافر مش حنسيب
صوت الحق ف مصر لا يمكن لحظة يغيب

اخدوا فلوسنا وياخدوا نفوسنا وياخدوا الروح
نبض قلوبنا هيتف برضه الفجر قريب

دا اللى يبطل يطلب حقه يعيش مكسور ..
واللى يفرط يوم ف كرامته يموت مقهور

واللى يسيب النور للضلمة يحاصره الخوف ..
واللي يبيع النيل والمَدنة يا مصر يغور

الإخوان في سفينة الأمة أمان وشراع
واللى بيخدع شعبه ضميره أكيد متباع
مش حنبطل نهتف نرفض مهما يكون ..

مش حنسافر مهما يا مصر بنوا لنا سجون
لأ حنعافر لاجل الخير والنور للكل ..
الحرية وحق الكلمة ومش حنمل

انتى وطنا يا مصر واحنا ولاد النيل
واللى بيسرق طيبة شعبك كالمحتل

2 التعليقات :

  1. islamology@hotmail.com said...
    السلام عليكم
    بالنسبة للحملة كيفية المشاركة فيها باعمال الفيديو ايه؟
    يعني لو في افكار معينة ممكن اعمله تصميمات فيديو ارجو تبليغي
    وانا باذن الله هفكر في كام فكرة وابعتهم ان شاء الله
    وففقك الله وايانا الي مايحب ويرضي
    اخوكم اسلام العدل
    Anonymous said...

    دستور يا أسيادنا
    شعر إيمان بكري

    دستور يا اخوانا يا بعدا
    لأ سوري دستور م البعدا
    محبوس حابس يا سيادنا
    و بكاكي من فوق مدنة
    و ورايا ديوك بيكاكو
    حرصوا عالباقي معاكو
    بركة مولانا هولاكو
    حلت و علينا اللعنة
    طرطور طرطر طراطير
    بيغيروا فالدساتير
    و لا عاد فالحتة كبير
    و يا وارث تورث مين
    ما الورث إتباع و إتبعنا
    نرجع تاني لموضوعنا
    و بيان لديار الإفتا
    من جمهورية زفتا
    لعبو و عملوها إستفتا
    صوت ياللي سامعنا
    و قوللي ملك ولا كتابة
    أسد شبل ف الغابة
    و احلف وحياة راس بابا
    زفة فمولد كدابة
    و الله يجازي اللي خدعنا
    للجوكر ألف تحية
    ملعون خاش الحرية
    يحيا قانون العبودية
    و القوانين الوضعية
    و الحكومات الشمولية
    لها مني ألف تحية
    وحياة أمي دي رجعية
    و لو صوتنا و جعجعنا
    واحد ولافيش غيره هوه
    قاعد متربع جوة
    و بكيفك أو بالقوة
    لو سوبر مان و فتوة
    روح قله بقى يودعنا
    عصابات شغل فتوات
    و إستعباط على حركات
    و السقا أبوه لو مات
    حيقوم يسقي الشربات
    و يكمل على مواجعنا
    مزيكة و تراباتتو
    و نفديك بالدم.. إفدوه
    بس إحنا و رحمة أبوه
    مين ده اللي حيلوي دراعنا
    روح هاتلي لمون بالصودا
    انا حاسة بريحة شوطة
    حيصعدوا فصل الروضة
    و الورث حيصبح موضة
    لم الجدعان و اتبعنا
    على قهوة ساقية مكي
    نصرخ نلطم و حنبكي
    ده ناويها و بيتكتكلي
    قبل ما حتى يودعنا
    ظقططوا يا عيال قولوا هيه
    الحكم صبح تيك أواي
    لو عايز قول أوكيه
    و لو رافض قول أوكيه
    في كلا الحالتين نوو واي
    غير كودية و زار ينفعنا
    لأنا عايزة بخور م الجاوي
    و حمار أرمل و حصاوي
    و دراع برغوت مش غاوي
    تنطيط عفريت و مخاوي
    شلة مقاطيع يقطعنا
    حابس من شر الكرسي
    من شر عزيزة و مرسي
    من قرص النمل الفارسي
    م الأحياء و الأموات
    من كايرو إلى بغداد
    أشتات أشتوت أشتات
    حرصوا من لعب السيكا
    م الحكشة و م البولوتيكا
    و لا تشمت يوما فيكا
    مارشيل بنت أم ماريكا
    قول حاجة الله يهديكا
    و ادعي معايا يخليكا
    حلوا بقى عن أوجاعنا
    و انصرفوا عليكوا اللعنة
    انصرفوا عليكوا اللعنة

أضف تعليقك